بسم الله الرحمن الرحيم
السلام عليكم ورحمة الله وبركاته
أهلا بكم اخوتي اعضاء المنتدى الغالي : منتدى النكت
نورتم الموضوع وان شاء الله تخرجون منه تبتسمون
اعطوني نجمة و ثبتوا الموضوع !
1- خروف العائلة :
قالك عايلة شرات خروف قبل العيد بست شهر ، مالا نهار وصل العيد ، ناض الكبش يبكي ، مالا قالولو واشبيك ، قالهم : اهئ .. اهئ .. الناس اكل
شرات خروف غير حنا .
2-الباصيص
قالك كاين تلاث باصيص ، رسمولهم باب فالحيط ، مالا قالولهم شكون يدخلو منو ( كاختبار رتاحو ولا لالا ) مالا اللول جا يجري دخل فالحيط والثاني كيفكيف ، مالا
الثالث قعد يتفرج ، مالا فرحو الناس حسبوه رتاح ، مالا قالولو علاه ماتدخلش ، قالهم : أنا عندي المفتاح ؟! .
3-جحا
مالا جحا ، راحت مو للعرس وخلاتو ، قاتلو عس الباب ، مالا جاه صاحبو ، يوسوس فيه ، مالا قالو جحا مانقدرش نجي معاك كيعاد ما قاتلي عس الباب ، مالا وش دار :
نحا الباب وداه معاه .
4-الوصية المجهولة
مالا واحد مات باباه وخلالو وصية ، مالا قالو ماتحلهاش حتان يولي في عمرك 40 عام ، مالا قراتها مرتو خطاتو وخلاتو ، ولادو كيفكيف وصحاب ثاني خلاوه ، بقا
وحدو ، مالا ، قرر يسافر
مالا راح لواحد السفينة القبطان نتاعها كان صاحب باباه ، مالا حكالو حكايتو ، مالا قالو هاك تره أقرا هذي الوصية ، مالا قراها عاد يسب فيه وراح يحاوزو ، مالا قال والله
غير نقراها ، مالا هو
راح يحلها جات ريح قوية وهي طاحت فالماء وتبلت واتمحات .. . وماعرفش وش فيها
5- رجل صاحب 2 سرات
قالك راجل عندو جوز سرات ، وماعندوش الزهر طول ، مالا خسر تجارتو وكلش ، مالا قرر يسافر ، ركب في طيارة ، ماجات تقلع حتان قتاحموها إرهاب ، مالا هو كان
قاعد وقدامو واحد
شيخ كبير ، مالا دخلو الإرهاب قتلو الناس أكل ، مالا وصلو عندو ، قال للارهابي نسقسيك إذا جاوبت صحيح أقتلني وإذا ماجاوبتش ماتقتلنيش ، قالو هيه ، قالو هذاك
الراجل : أنا وهذا الشيخ قداه
عندنا نسرة ، مالا قالو الارهاب زوج ، قالو لالا ، قالو تكذب عليا ، مالا عرة على كرشو كاين زوج سرات ، الشايب هذا عرة على كرشو .. ماعندوش سرة ... قتلو
الارهاب ( مسكين لا زهر له )
6- نكت سريعة
قالك واحد ضرب التيليفون شكا بيه .. ؟؟
7- بدون عقل لها
قالك طفلة قاتلها مها روحي تلعبي ، لي يقيسك عيطيلي نقتلو ، مالا راحت الطفلة تمشي لقات بوطو تخبطت فيه ، مالا راحت تجري عند مها قاتلها مها وشبيك ، قاتلها
ضربني واحد الراجل
طويييييييل ، مالا جات مها تجري طلعت فالبوطو ، مالا بقات تضرب فيه ، ضربها تريسيتي ، قاتلو ، ماعليناش التقطاش .. ؟؟
8- الغبي
واحد كان رايح للتاكسيفون ، مالا لقا واحد خارج يضحك ، قالو واشبيك ، قالو رحت نفليكسي ، كلحت مول التاكسيفون ، عطيتو النيميرو غالط ..؟؟
9- نكت سريعة
واحد لبس تريكو نتاع اللحم كلاوه لكلاب .. ؟؟
10- نكت سريعة
واحد طاح عليه الليل فجخو .. ؟؟
اتمنى ان تعجبكم نكتي
الى اللقاء
