كل ما أقول بديت أنسـاه ألقى نفسي بديت بهـواه
وأصرخ بشوق وين ألقـاه وين ألقاه ياليتـه يسمعنـي
كل ما أقول نسيت ذكـراه أتذكر الغـرام اللي عشنـاه
وأبكي و دمعي يقول يبغـاه والله أبغاه ياليتـه يفهمنـي
كل ما أتذكر اني مو معـاه وانه عايش بدوني يامحـلاه
و خلاص نسى اني أهـواه أتألم بس محـد يدري عنـي
كل مـا أقول بعيش بليـاه ألقـى نفسي عايش وايـاه
كنيّ في حضنه و في دفـاه كنيّ أحضنـه وهو يحضنـي
كل ما أقول خلاص أبنسـاه أنسـى اني قلت أبي أنسـاه
وأذكر اني مستحيل أنسـاه وأقول مـاراح يخيّب ظنـي
كل ما أحلم بحسنه وحـلاه أفز من نومـي على صـداه
وأقول بيتحقق حلمي بلقيـاه وأوهم نفسي والوهم جننّـي
كل مـا أقول نصيبه وجـاه و لازم أرضى و أترك هـواه
ألقى نفسـي أمشـي وراه وأوهم نفسـي انه يعشقنـي
كل ما أقـول ايش بـلاه ليه نسـى قلبي اللي يفـداه
وليـه نسى اني أبي رضـاه وليـه بهالسهولـه يجرحنـي
وقتها أسمع الصدى يجاوبنـي
ويقول .. ياعاشق هواه .. انسى ذكراه ..لازم تنساه ...
.. وأنا مو قادر أنســـااااه ..
