دائما مع الجديد [ نكت جزائرية 100/100 ]

مرحبا أحبائي ها قد أتيت لكم
بالجديدبالإضافة إلى بعض النكت التي قد تقوم ولو بتبسيمكم قليلا
:

1-----------

مزطول راح لريستورو فيه كلش تلفزيون
كليماتيزور جاء الخدام قالوا ندير لك لا شان تاع
real ولا تاع
b
arça
قالو ديرهم لي بين زوج في كاسكروط .....
هههههههههه

2-----------

قالك خطرا واحد زوج رجال يسكنو في الدوار
.الأول قال لصاحبو راني رايح
للعاصمة
.

والثاني
قالو راني راح للجزائر , أيا ومن بعد
قالك تلاقاو في زوج في بلاصة وحدة ’ الأول قال
للثاني : مشي قتلي راني رايح
للجزائر .
والثاني قال للأول :
ونتا مشي قتلي راني رايح
للعاصمة .
أيا وهكدا كان
فايت واحد البنادم ,
امالا سقساوه : قالولو خويا وين رانا هنا
.
قالهم السيد : راكم
في alger .....
هههههههه

3------------

وحد السيد كريم بزاف لدرجة انو كي تحرقتلو
الدار . جاو les pompies
باش يطفوها .قالهم والله ماكم امطفيينها حتى تشربو
قهوة ....هههههههههههه

4-----------------

قالك كاين واحد
كان يجر في 4 فأران شافوه ناس قالولو واش هذا قالهم ياخي كاين تاكسي نتاع كات كات
( x4
) أمالا هاذي تاكسي نتاع كات فار (4far )
............ههههههههههه

5----------------

قالك كاين واحد بخيل، راحت عندهم التريسينتي،
أملا راح شرا شمعة وكي وصل للدار جات التريسينتي، راح رجع وردها لمول الحانوت
وقالو: خويا هاك الشمعة نتاعك محروقة ما تشعلش
......ههههههه

6------------------

قالك واحد في حياتوا ما راحش لعرس وهو انسان نية بزاف
واحد النهار عرضوه لعرس مطرطق يعني فور بزاف ايا في العرس مول
dj كان داير الغنية نتع ( هو السراق
والله ما أنيا ) و كي كان المغني يقول هو السراق مول
dj ينقص للغنية والغاشي يعاود موراه
والله ما أنيا المهم بقاو هكذاك حتى خلاصت الغنيةالسيد كي رجع
للبلاد سقساوه صحابوا وش العرس مليح عجبك قالهم فور بزاف عجبني بصح
مول dj
ما نعرف وش سرقولوا بايت يحلف فينا
.......ههههههههه

7--------------

قالك واحد
مسمار الدورو يموت عليه وحد
النهار شرى حبة بنان ما فيهاش التيكي قال للخضار
اعطيني التيكي ندفعوا للكازورال
...........ههههههه

8-----------

قالك مرة كان
جحا واحد من المريكان واحد من
الجابون
عطاو لكل واحد منهم مليار وقالولهم
لازم تخترعو
حوايج
مالا الماريكاني خدم صاروخ يروح لأي
بلاصة
والياباني خدم
خاتم بورتابل تكلم بيه اي
واحد
اما جحا صرف دراهمو اكل قعدتلو غير
مليون مالا شرى معزة
وكلب
جوعهم ربعيام قبل ما يوصل وقت كي
يورو اختراعاتهم
مالا بدا
الماريكاني ورى اختراعو ثم الياباني
وصت دالة جحا
حط الكلب وعطاه حشيش
كلاه
وحط المعزة وعطاها اللحم
كلاتو
قالولو واشي هو الاختراع
قالهم
على
الكلب: الكاركا سة كلب والموتور
معزة
على المعزة: الكاركا سة معزة
والموتور
كلب.....هههههههه

9-------

واحد حابس كان
يمشي مع وحدة شافت باباها من بعيد
قاتلو روح بابا راهو جاي قاللها : كشماكان أنا
خوك....هههههه

10--------

قلك واحد حابس
أراد أن ينتحر فرآه صديقه فذهب إليه
مسرعا وقالو :خويا علاه راك حاب تنتحر ؟
فأجابه:لأنني حابس وما نعرف والو ..
فقال له صديقه : سوف أبين لك بأنك ماكش حابس
.. وسقساه على حاجة مدورة وبيضة ؟
فقال له الحابس :مانيش عارف .فأجابه صديقه بأنها
حبة بيض ..ثم سأله سؤال ثاني و قالو
:2مدورين و بيّض ؟ فقال له الحابس: مانيش عارف
. فأجابه صديقه بأنهما 2 حبات بيض
..ثم سأله سؤال ثالث و قالو:حيوان عندو الصوف
وعندو القرون ويقول بععع؟فأجابه
الحابس : إيه مالا 3حبات
بيض...هههههههه

11----------

قلك واحد حابس
عمرو لا هدر مع فتاة أيا راح لصاحبو
وسقساه كيفاه.فقالو صاحبو :لازم تكون تعرف
تصيد ..أيا راح يحوس على الفتاة التي
تعجبه عندما وجدها رفد حجرة(بلوكة) وقايسها
فإذا بالفتاة تسقط أرضا فهلع إليها
جميع الناس فتفاجؤا بالرجل الذي ضربها يقول لهم
: بعدوا أنا لي صيتها اللول
.......ههههههههه

12-------

قلك واحد
النهار زوج خاوة واحد يسموه فريطيط
ولاخر يسموه بريطيط قلك فريطيط دخل للحبس كي
خرج كان محفف بولا زيرو ..كي شافو
بريطيط سقساه باه حففت فقالو خوه بالماشينة أيا
راح بريطيط للرايا تاع القطار و حط
راسو ولما جاء القطار كلاكسونا عليه فقلو
بريطيط :ما تقولي ني طيط ني بيط
حففلي كيما خويا فريطيط
.... ههههههه

13--------

قلك وحد
المرة إجتمع عباقرة العالم و إخترعوا
حاسوب يمكنه الإجابة على أي سؤال .....أتوا 3
أغبياء كي يجربوه وبدأ الأول يسأل
في الحاسوب فيجيبه الحاسوب بسرعة ثم جاء الثاني
لكن الحاسوب أذكى
منه ...إلى أن جاء الثالث و هو أغبى الأغبياء فكتب شيئا فإذا
بالحاسوب يحترق ولما سألوه قلهم
(كتبت للحاسوب أن هناك حقلا طوله 700م وعرضه
200 م .ما هو عمر الفلاح؟ )
....هههههه

14------

قلك واحد حابس
راح يدير السكنار على راسو فكتبلو
السكنار NO DISK ....
ههههههه

15-------

قلك واحد مشي
شباب راح يشوف روحو في المرايا
فقالتو المرايا :نعتذر عن
الصورة...ههههههه

16--------

قلك واحد حابس
كان يمشي حتى صاب ورقة تاع تريسنتي
فراح خلصها....هههههههه

17-------

قلك واحد حابس
جاء يذبح جاجة تاع تريسينتي .راح طفى
الكونتور...ههههههه

18------

قلك واحد حابس
خلاصتلو القرعة تاع الغاز أيا عضها
....هههههه

19------

قلك وحد المرة
الزوجة قالت لزوجها :اليوم عيد
ميلادي وراني باغية جيبلي كادو كي نشوفو يشعل قلبي
... ذهب الزوج للعمل وفي المساء
عطالها علبة ففرحة الزوجة وعندما فتحتها وجدت
( باتري تاع طونوبيل)
...ههههه

20---------

قلك وحد المرة
واحد حابس راح لفرانسا و بقى يدور
حتى فات على وحد الزنقة و صاب فيها عرس سقسا
تاعمن هذا العرس قالو
واحد :
( je ne saie pas)
أيا راح
وفي الغد جاز على زنقة
أخرى وصاب فيها موت وسقسا تاعمن هذا الموت فقالو واحد
:
(je ne saie pas ) عندها قال : مسكين
(je ne saie pas ) البارح تزوج
واليوم مات ...
ههههههه

21-------

قالك وحد الزوج
مزوجين ولدو طفلة عندها شعرة واحدة
في راسها سماوها
محيرقة.....ههههههههه

22---------

قالك واحد
ماجاهش النعاس رقد و
خلاه......هههههههه

23--------

قالك واحد ما
رقدش بكري و كي رقد صاب الحلم
بدا.....هههه

24-------

قالك خطرة واحد
بلع نص حبة كاشي نتاع الرقاد رقد
بعين وحدة......هههههه

25--------

واحد حابس
إشترى بورتابل و حب يدخل الكارطة
ماحبتش تدخل أيا دخل
البارمي....هههههه

26------

قلك واحد راح للسينيما و رافد معاه سلوم كي
سقساوه علاه قالهم:الفيلم
طويل ...هههههههههه

27------

قلك واحد حابس
إشترى تلفاز جديد كي شعلو في الدار صاب تلعب مقابلة في كرة القدم فراح جاب بيدون
تاع ماء وفرغو عليه وقال للتلفاز :أيا كل واحد يروح يلعب قدام
دارهم....هههههه

28--------

واحد حب يشري
سروال لوبيا مالقاش شري سروال عدس ...هههههه

29--------

قالك زوج جيران واحد غني و الاخر فقير. الفقير
عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ
بين يديك الفقير يقولوا اعطيني كاس لاتاي. شافوا الغني و حسدوا على المصباح السحري
و بغى يديلوا المصباح قالوا نعطيلك الفيلا و السيارة واعطيني المصباح الفقير قبل
بالمقايضة . مسح الغني المصباح وخرجلوا العفريت قالوا شبيك لبيك كل شيئ بين يديك
قالوا بغيت فيلا على شاطئ البحر قالوا العفريت اسمحلي خويا نسربي غير
لاتاي..ههههه

30-------

وحدة سمينة بزاف...راحت عند الطبيب باش
يعطيلها الدوا باش تشيان. مدلها باطة كاشيات وقاللها كل نهار تاكل 2 حبات
هي
نسات. وكلاتهم قاع مرة وحدة
ولعشيا جا راجلها للدار وحوس عليها ومالقاهاش

قاللها : عيشة وين راكي؟؟؟
قاتلو راني مور
البالي.....ههههههه

31--------

قالك واحد حابس راح للفارماسيان باش يشري
الدواء ..الفارماسيان أعطالو كاشيات و قالو :2 حبات مور القهوة

السيد راح ثم رجع وقال للفارماسيان : خويا
معليش نشربهم مور الريستورو ...هههههه

32-------

واحد شرى صباط كبير عليه ولا يقادرو
....هههههههه

33------

واحد الزوج كانو شاربين راهم يمشو فالليل شافو
القمر ناضو يدابزو واحد يقول قمر و لوخر يقول شمس سقساو واحد كان يمشي فالطريق
قالولو واش هذا قمر ولا شمس قاللهم والله غير اسمحولي انا ماشي
منا....ههههه

34----------

قالك سرات اكسدنت بين 2 مرسيداس اخر عيطة
..بداو يداوسو صحاب الكرارس في ما بيناتهم........حبس واحد مولا R4
رايبة واش قاللهم؟؟؟ ماتتقلقوش تقدرت..و حنا
قاع عندنا الماتريال و نخافو عليه ...هههههه

35-------

واحد الغاشي ما يفهموا والو يعني حابسين
...مثلا الكاوكاو اللي بالقشور يكتبولهم عليه عبارة( اضغط هنا )...التقاشر مكتوب
عليهم ( يمين يسار)...... البنان مكتوب عليه ( يؤكل من الداخل ) الياوورت مكتوب
فيه من الأسفل ( انتهى ) العلبة نتاع التونة مكتوب عليها ( لا تخف انه ميت
)...معجون الأسنان مكتب فيه (بزق تسيل )....ههههههههه

36------

قالك واحد السيد تصور بين 2 حمير(حشاكم)
وبعثها لصاحبته...وكتب تحتها ملاحظة "راني فالوسط" .....هههههههه

37---------

واحد قال لخطيبته كي نكلاكسوني هبطي قالتلو
علاه اشريت طوموبيل قالها لا شريت زمارة .....ههههه

38---------

واحد الطلاب كان يهدر مع وحدة سمينة قالها
'اعطني الدراهم باش نشري الخبز راني يومين ما كليتش' قاتلو' راني حاسداتك على لاطاي
نتاعك يرحم ابوك قولي شكون الطبيب اللي عطاك هدا الريجيم '
...هههه

39-----

خطرة واحد كان يسرح بالنعاج وحاط رجل فوق رجل
ويتكيف في قارو ايا طاحت طيارة قريب ليه...كي جات الصحافة تسالو كيفاش الحادثة
المسكين من الخلعة بزاف قالهم كنت نسرح بالطيارة و حاط قارو فوق قارو ونتكيف في
رجلي .لقيت النعاج طاحو....هههههه

40----------

مرة واحد كان قدام البحر هو و حبيبته ..ايا
قاتلو"فاش يفكرك غروب الشمس " قالها "برجوع قرانديزر الى القاعدة " ....هههه

41--------

واحد فنيان يخدم في حانوت تاع الدجاج ( يبيع
الدجاج حي) جات عندو وحدة و قالتلو "شوفلي دجاجة فيها 2كيلو". ايا شاف مليح فالدجاج
وقال"اللي فيها 2كيلو تنوض " .....هههههه

42-------

واحد قال ليماه بغيت نتزوج بوحدة بيضة وطويلة
وخدامة ...قالتلو شوف كاش فريجيدار .....ههههه

43------

قالك واحد مهبول دايمن حاكم الحيط و حاط وذنو
عليه ويسمع كي شافو الطبيب قالو"واش راك تسمع" قالو المهبول " اسمع بوذنك" كي حط
الطبيب وذنو على الحيط قالو "ماراني نسمع والو"ايا قالو المهبول "هادي اللي راها
مهبلتني " .....ههههههه

44------

قالك واحد كذاب دوما يكذب في يوم راح يكذب على
أصدقائه قال لهم
شفت مقابلة كرة قدم في الدقيقة التسعين واحد اللاعب سجل هدف
لكن في الإعادة ضيعها ....هههه

45------

التقى كذابان أحدهما من القطب الجنوبي و الاخر
من الشمالي فقال الاول:إن البرد عندنا كثير لدرجة أن النار قد تجمدت فقال الثاني:
أما البرد عندنا وصل الى درجة أننا لا نسمع كلام بعضنا حتى نضعه في الماء الساخن
....ههههه

46-----

واحد النهار غبي دخل يشري عصير قال لمول
الحانوت .اعطيني jus
d'orange
تاع الخوخ ...هههههه

47------

مرة وحدة هي و زميلتها قاعدين يحكيو الاولى
قالت
انا زوجي ديما ينسى بورتابله و المفتاح نتاع الطاكسي
هدرت الاخرى
قاتلها تنتي عندك الزهر انا زوجي كل يوم
يقولي وين شفتك من قبل ...ههههه

48-----

مرة واحد عرض صاحبه و
حطلو العدس قالوكول العدس فيه الحديد ايا مرة التاني عرض
صاحبهجابلو الحديد قالو كول الحديد فيه العدس
.....هههههه

49------

قالك الحمار عرض
الحمارة لدارو كي دخلت الحمارة شافت الحمار معلق صورة الحمار الوحشي و سقساتوا :
شكون هذا فقالها الحمار :هذا عمي كي كان يلعب في جوفانتوس
....ههههه

50------

سأل أحدهم الأخر:أتذهب الى أمريكا أم تبقى؟

. فأجابه:سأذهب الى تبقى يظن أنها
دولة...هههه

51------

غبيان في مطعم طلب الغبي الأول عصير ليمون
عليه ليمونة

فطلب الثاني حليبا عليه بقرة ...هههههه

52------

في أحد الأيام ذهب رجل بخيل مع زوجته لإحدى
المحلات

فوجدت زوجة البخيل توبا رائعا قائلتا
لزوجها : يا له من ثوب
أنيق

فأجابها الزوج البخيل قائلا :
إذا سوف أحضرك إلى هذا المحل
يوميا لكي تري الثوب
....هههههههه

53-----

قالك واحد قال
لباباه "شريلي بورتابل " قالو " نشريلك بصح ركب خوك معاك "
.....ههههههه

54------

قالك واحد
الجزار راح يخطب قالولو موالين الطفلة "لازم تدفع 5ملاين فالعروس" قاللهم "علاش
شحال للكيلو "
.....ههههههه

55------

كاين واحد في
البحر يصايد فرمى صنارنه في الشاطئ فقال له واحد لماذا تصطاد الرمل قال له اعطيني
100 دج نقولك فاعطاه فقال له اني اصطاد الاغبياء مثلك؟؟؟
....ههههههه

إذا أعجبتكم أي نكتة فأذكروا في ردكم
رقم النكتة....

أتمنى أن تنال
إعجابكم وإنتظروني في
الجديد

مشكور اخي الكريم بارك الله فيك واصل تميزك

شكرا اخي

» نكت جزائرية
» نكت جزائرية .....
» نكت جزائرية مضحكة جدا ...
» نكت جزائرية 100ب100
» نكت جزائرية 100%