هادا واحد التلميد قال ليه المعلم: عطيني خمسة ديال الحيوانات
قال ليه التلميد: بقرة و كلب و تلاتة ديال الحمامات
هادا واحد المعلم تعين ف واحد لقرية ف لعروبية. واحد النهار دّا الكاشير للقسم و سول التلاميد: ما هذا؟
حتى واحد ما قشع أشنو داكشي. شوية و هو يهز واحد التلميد صبعو: هاديك ممحاة ديال ستاشرمية
هادي واحد المعلمة رسمات للدراري تراكتور و سولاتهم واش عرفوا أشنو سميته.
حتى واحد ماعرفه. واحد شوية وهي تنوض واحد باش يجاوب و الدري تمتام، قال ليها: تر تر تر تر تر تر
وهي تقول ليه: أنا غير سولتك على سميته ماشي قلت ليك دير ليه أمارش
هادا واحد الاستاد قال للتلاميد دياولو: غادي نوريكوم تلالة د الانواع ديال الكعيات
اتصل بواحد النمرة وجاوباتو واحد البنت قال ليها: كاين عمر؟
قالت ليه: لا ما كاينش، النمرة غلط
قال للتلاميد: هادي كاعية
اتصل تاني بنفس النمرة وجابواتو نفس البنت وقال ليها: كاين عمر؟
قالت ليه: قلنا ليك ما كاينش مالك مصدعنا
قال للتلاميد: هادي كاعية كتر
عاود اتصل بنفس النمرة وجابواتو نفس البنت وقال ليها : كاين عمر؟
قالت ليه:ما كاينش ألحمار وما تبقاش تعيط
قال للتلاميد: هادي كاعية بزااااااااااف
ناض واحد الولد قال ليه: أنا غادي نوريك الكعية ديال بصاح
ناض عيط لنفس النمرة وقال ليها: أنا عمر، عيط ليا شي واحد؟
هادا واحد الاستاد سول التلاميد دياولو :ما هو أقرب كوكب إلى الأرض؟
حتى واحد ما عرف يجاوب. شوية و هو يهز واحد الكسول إيديه: "استاد، استاد، استاد
قال ليه جاوب
جاوب الكسول: الكوكب المراكشي
