واحد عزي لابس لكحل وراكب مرسيدس بيضا وقف علا وحدة قال ليها كيجيتك…قالت ليه كيكوكا فالثلاجة
.........................
سيارة فيها كلشي بالكمبيوتر َتيْنَبه مولاها عند أي تجاوز..شعل كٌارو قاليه : اطفي اطفي الكٌارو .. حط رجله على الدواسة،الكونتور(العداد) طلع ل 80 كلم/ س قاليه : انتبه انتبه انت بسرعة ثمانين كلم/س.. زاد وَرﱠك طلع للمائة.. زاد ورك طلع لمياتين وهو يقول ليه :ناري ناري باغي تقتلني الحيوان .. وقف وقف انت إلى عاجبك راسك أنا مغديش معاك يلاه نزلني وتلاح
.............................
هذا واحد مول الطاكسي مبوق مزيان غادي فالمدينة او هي تشير عليه واحد المرآ هو يوقف طل عليها من الشرجم او قال ليها فين غاديا أ لالة قالت ليه السوق اَسيدي هو يقول ليها سيري أوُ متعطليش
.............................
قليك هدا واحد المعلم سول واحد التلميد قاليه اش بغيتي تكون فاش تكبر قاليه التلميد بغيت نكون ولد الحرام!!!!!!
جالمعلم قاليه علاش اولدي
قاليه التلميد حيت بابا فاش كيشوف شي حد عندو طونوبيل واعرة كايقوليه ولد الحرآآآآآآم
......................
هدا علي و ابراهيم تشاركو حانوت و واحد النهار علي علق لافته مكتوب عليها بالفرنسية
alimentation generale
جاء ابراهيم قرا اللافتة كعا و هو يبدلها دار فيها
brahimentation generale
.........................
